ಬಾಳೂ ಎಂಬ ಪುಟ್ಟ ಹುಡುಗನೊಬ್ಬ ಬೆಳೆದು ಸಂತ ಬಾಳೂ ಮಾಮ ಆದ ಪವಾಡಸದೃಶ ಕಥೆಯಿದು. ಸಾಮಾನ್ಯ ಜನರ ನೋವುಗಳನ್ನು ಮಾಯ ಮಾಡುತ್ತ ಅವರ ಪಾಲಿಗೆ ಮಹಾತ್ಮನಾದ ಬಾಳೂ ಮಾಮನದು ಯಾವ ದಂತಕಥೆಗೂ ಕಡಿಮೆಯಲ್ಲ. ಲೆಕ್ಕವಿಲ್ಲದಷ್ಟು ಪವಾಡಗಳ ಮೂಲಕ ಲಕ್ಷಗಟ್ಟಲೆ ಜನರ ಬದುಕನ್ನು ಹಸನಾಗಿಸಿ, ಅವರ ಹೃದಯಗಳಲ್ಲಿ ಮನೆ ಮಾಡಿಕೊಂಡ ಮಹಾಪುರುಷ ಬಾಳೂ ಮಾಮ. ಅಂಥ 'ಪವಾಡ ಪುರುಷ'ನ ಕಥಾನಕವನ್ನು ಬಿಚ್ಚಿಡುವ ಈ ಧಾರಾವಾಹಿ, ನಂಬಿಕೆ ಹಾಗೂ ಶ್ರದ್ಧೆಗಳ ಹಲವು ಮಗ್ಗಲುಗಳನ್ನು ತೆರೆಯುತ್ತ ಕುತೂಹಲಕರವಾಗಿ ಮುಂದೆ ಸಾಗುತ್ತದೆ. ವೀಕ್ಷಕರನ್ನು ಬೇರೆಯದೇ ಲೋಕಕ್ಕೆ ಕರೆದೊಯ್ಯುತ್ತದೆ.