ಚುಕ್ಕಿತಾರೆ

ಅಪಘಾತವೊಂದರಲ್ಲಿ ವಲಸೆ ಕಾರ್ಮಿಕ ಮಲ್ಲಿಕಾರ್ಜುನ ಸಾವಿಗೀಡಾದಾಗ ಅವನ ಹೆಂಡತಿ ಸರಸ್ವತಿ ಮತ್ತು ಮಗಳು ಚುಕ್ಕಿಯ ಬದುಕು ಛಿದ್ರವಾಗುತ್ತದೆ. ಮಗಳಿಗಾಗಿ ಅವನು ಕಂಡಿದ್ದ ಕನಸುಗಳನ್ನು ನನಸು ಮಾಡಲು ಮುಂದಾಗುವ ಸರಸ್ವತಿ ಒಂದು ಮನೆಗೆಲಸ ಹಿಡಿಯುತ್ತಾಳೆ. ಅದು ಮಲ್ಲಿಕಾರ್ಜುನನ ಸಾವಿಗೆ ಕಾರಣನಾದ ಅಭಿರಾಮ್ ಮನೆ. ತಾನು ಹುಡುಕುತ್ತಿದ್ದ ಚುಕ್ಕಿ ಈಗ ತನ್ನ ಮನೆಯಲ್ಲೇ ಇದ್ದಾಳೆಂಬ ಸಂಗತಿಯನ್ನು ಅಭಿರಾಮ್ ಯಾರಿಗೂ ಹೇಳುವುದಿಲ್ಲ. ಈ ತಾಯಿ-ಮಗಳ ಬಗ್ಗೆ ಅಭಿರಾಮನಲ್ಲಿದ್ದ ಅಪರಾಧಿ ಪ್ರಜ್ಞೆ ಮನೆಯ ವಾತಾವರಣವನ್ನು ಬಿಸಿಯಾಗಿಸುತ್ತದೆ. ಚುಕ್ಕಿ ಮತ್ತು ಅಭಿರಾಮನ ಮಗಳು ಇಬ್ಬನಿ ನಡುವಿನ ಸ್ನೇಹ ಗಾಢವಾದಂತೆ ಈ ತಳಮಳ ಇನ್ನಷ್ಟು ಹೆಚ್ಚುತ್ತಾ ಹೋಗುತ್ತದೆ. ಈ ಸಂದಿಗ್ಧ ಪರಿಸ್ಥಿತಿ ಕತೆಯನ್ನು ಎತ್ತ ಕರೆದೊಯ್ಯುತ್ತದೆ ಎನ್ನುವುದೇ ಕುತೂಹಲ.